![](https://media.ifae.live/wp-content/uploads/sites/2/2024/05/dall-e-2024-05-22-13.17.31-a-wide-abstract-illustration-depicting-social-media-content-planning.-the-image-features-colorful-interconnected-nodes-and-lines-representing-differe-1024x585.webp)
Як абіраць сацсеткі ды кантэнт пад свае мэты, як планаваць публікацыю ўласнага кантэнту і як паляпшаць свой прадукт? Навучэнцы курса “Сацсеткі: лайкі, шэры і падабайкі 2.0” атрымалі адказы на гэтыя і іншыя пытанні, а таксама палепшылі свае сацсеткі!
![](https://media.ifae.live/wp-content/uploads/sites/2/2024/05/setki-1-1024x1024.jpeg)
Заняткі курса праводзіў Дзяніс Васількоў, які працаваў у вядомых беларускіх выданнях, займаўся распрацоўкай стратэгій ды менеджментам сацсетак. Апошнія 5 гадоў ён паспяхова выкладае і дзеліцца сваімі ведамі з журналістамі ды актывістамі НГА.
На пачатку курса ўдзельнікі навучыліся аналізаваць сацсеткі, а таксама пазнаёміліся з тэндэнцыямі іх развіцця ў 2024 годзе.
Напрацягу ўсяго курса ўдзельнікі мелі магчымасць прайсці праз усе этапы стварэння кантэнту: ад планавання публікацый да іх аналізу. Паралельна з грунтоўнай базай ведаў удзельнікі атрымлівалі хатнія заданні, якія дапамагалі папрактыкавацца і палепшыць свой кантэнт ужо падчас курсу.
![](https://media.ifae.live/wp-content/uploads/sites/2/2024/05/setki-3-1024x1024.jpeg)
У канцы курса ўдзельнікі навучыліся паляпшаць і прасоўваць свае прадукты, выкарыстоўваючы для гэтага розныя інструменты.
Вось што напісалі пра курс некаторыя нашыя студэнты:
Курс вельмі добры для ўваходу ў SMM, шырока расказвае пра розныя аспекты прафесіі.Раней рухалася больш інтуітыўна, цяпер ёсць паняцце сістэмнасці ў СММ.
Даволі багата карыснай інфармацыі і сістэмная падача матэрыялу. Сістэматызаваў свае веды пра сацыяльныя медыя. Зразумеў, як прасоўваць свой прадукт не толькі інтуітыўна
Цікавы і карысны матэрыял. Я навучыўся аналізаваць сацсеткі, ствараць кантэнт-план і рубрыкі.
Калі вы цікавіцеся сацсеткамі і хочаце развівацца ў гэтай прафесіі – сачыце за абвесткамі на нашым сайце і на нашых старонках у сацыяльных сетках. Мы плануем працягваць!
![](https://media.ifae.live/wp-content/uploads/sites/2/2024/05/dall-e-2024-05-22-13.31.47-a-horizontal-illustration-of-a-young-european-woman-writing-a-social-media-post.-she-is-seated-at-a-desk-with-a-laptop-her-face-illuminated-by-the-sc-1024x585.webp)