Запрашаем журналістаў-пачаткоўцаў і блогераў на адукацыйны курс Must have, які стане для вас правадніком у свет журналістыкі. Запішыся прама зараз і атрымлівай веды ад дасведчаных практыкуючых журналістаў і рэдактараў беларускіх медыя!
Самыя актыўныя ўдзельнікі атрымаюць сертыфікаты пра сканчэнне курса, а таксама запрашэнне на офлайн Школу журналістыкі ў пачатку лета бягучага года.
Працягласць: 6 анлайн заняткаў па 1,5-2 гадзіны па аўторках (пачатак у 19.00 па Менску), а таксама выкананне практычных заданняў на навучальнай анлайн платформе.
Пачатак заняткаў: 20 лютага.
Заяўкі на ўдзел у курсе прымаюцца да 15 лютага.
Пасля сканчэння курса вы будзеце ведаць:
- Як хутка і якасна пісаць навіны.
- Як знайсці тэму, а таксама герояў для сваіх гісторый.
- Як зрабіць інтэрв’ю і рэпартаж, які не пакіне абыякавым чытача ці гледача.
- Каму можна прапанаваць свае матэрыялы і як шукаць працу ў медыя.
- Чым журналістыка адрозніваецца ад прапаганды і як не даць сябе падмануць.
- Як працаваць на «мінным полі», калі ўсё навокал абвяшчаюць «экстрэмізмам».
- Як візуалізаваць свой матэрыял пры дапамозе фота, відэа і інфаграфікі.
Расклад заняткаў курса (19.00-21.00 па Менску):
| 20 лютага | Mission Possible. Уводзіны ў журналістыку |
| 27 лютага | Вучымся пісаць навіны |
| 5 сакавіка | Інтэрв’ю: да, у час і пасля |
| 12 сакавіка | Як распавесці гісторыю, якая не пакіне абыякавымі |
| 19 сакавіка | Як візуалізаваць свае матэрыялы |
| 26 сакавіка | Прававыя і этычныя аспекты працы журналіста |
Знаёмцеся з вядоўцамі курса:
Зоя Хруцкая
Медыяменеджарка і журналістка.
Спецыялізуецца на працы з лакальнымі медыямі.
З задавальненнем дапамагае пачаткоўцам знайсці сваю “фішку” у журналістыцы.
Ірына Чарняўка
Ужо 25 год жыве ў медыя: журналістка, медыяменеджарка, прадзюсарка. Працавала ў інфармагенцыях, газетах і анлайн, на радыё і тэлебачанні. Цяпер кіруе прадзюсерскай кампаніяй, якая вырабляе сатырычныя, музычныя і публіцыстычныя праграмы для розных медыягрупаў. Працуе са сцэнарыстамі, рэпарцёрамі, вядоўцамі, рэжысёрамі, літаратарамі, музыкамі і выканаўцамі. У фокусе: стварэнне і паспяховы распаўсюд праўдзівай інфармацыі для беларусаў у Беларусі. Для гэтага разам з камандай стварае не проста відэаролікі, а мультымедыйныя праекты, адаптаваныя для розных платформ. І дбае пра тое, каб кантэнт вірусіўся і ўваходзіў у топы і трэнды.
Адар’я Гуштын
Больш за 15 год у журналістыцы. Працавала як судовы рэпарцёр у шэрагу вядомых беларускіх выданняў. Мае юрыдычныю адукацыю, сертыфікат медыятара. Тройчы выйгравала ў судах па позвах аб абароне гонару, годнасці і дзелавой рэпутацыі. Журналіст года па версіі праваабаронцаў (2016), неаднаразова перамагала ў конкурсе “Вольнае слова”. Праходзіла стажыроўкі ў Германіі і Велікабрытаніі. Працягвае навучанне ў сферы абароны правоў чалавека.