Як можа выглядаць візуальны код паспяховых медыя, якія мэты могуць мець фотаздымкі, адкуль браць натхненне для фотаздымкаў і відэа, як варта і не варта апрацоўваць матэрыял ды як заявіць пра свае скілы патэнцыяльным кліентам – менавіта гэтыя і шмат якія іншыя пытанні ўздымаліся на нашым курсе “Візуальны стыль: здымай як профі”.
![](https://media.ifae.live/wp-content/uploads/sites/2/2023/11/screenshot-2023-11-30-192904-1024x586.png)
Курс праводзіла Таццяна Капітонава — медыйная фатографка, якая працавала для такіх выданняў як 34mag, 34travel, Citydog і Большой.
![](https://media.ifae.live/wp-content/uploads/sites/2/2023/11/screenshot-2023-11-30-193019-1024x563.png)
Падчас заняткаў Таццяна распавядала шмат прафесійных і жыццёвых момантаў, якія будуць вельмі карыснымі ў будаванні кар’еры ў візуальнай частцы працы ў медыя.
Удзельнікі курса не толькі рабілі практычныя хатнія заданні, але і самі стваралі кантэнт, натхніўшыся матэрыяламі заняткаў.
![](https://media.ifae.live/wp-content/uploads/sites/2/2023/11/screenshot-2023-11-30-193038-1024x581.png)
А вось так студэнты каментуюць вынікі курса:
“Гэта быў вельмі цікавы і карысны досьвед. А таксама асобная падзяка спадарыне Тацьцяне за цікавыя кейсы і крытыку хатніх заданьняў.”
“ Курс даў матывацыю, а добрае чалавечае стаўленне выкладчыка дало імпульс рухацца наперад.”
“З вельмі карыснага: падчас курса куды лепш зразумела сутнасць праектнага падыходу, калі праца робіцца комплексна з усёй шыратой разумення візуальнага стылю (ад шрыфтоў да фота). Гэта нібыта і так было зразумела, але Таццяна паказала вельмі наглядна на першых занятках.“
Наступны набор на гэты курс плануецца ў пачатку 2024 г.
Сачыце за абвесткамі на нашым сайце і на нашых старонках у сацыяльных сетках.