Як распачаць сваю журналісцкую кар’еру, дзе шукаць тэмы і герояў, абіраць адпаведныя жанры, абапіраючыся на этычныя стандарты і стандарты якаснай журналістыкі. Гэтыя і іншыя пытанні дэталёва разбіраліся ў час курса для журналістаў-пачаткоўцаў, які адбыўся ў кастрычніку.
Курс праводзілі дасведчаныя эксперткі Зоя Хруцкая і Ірына Новік, якія старанна дзяліліся ўласным досьведам журналісцкай працы і сваімі прафесійнымі парадамі.
Удзельнікі курса не толькі атрымлівалі тэарэтычныя веды, але і практыкаваліся ў напісанні ўласных журналісцкіх матэрыялаў.
Вось некаторыя водгукі, якія мы атрымалі ад удзельнікаў курса:
“Дзякуй вялікі стваральнікам і настаўнікам за магчымасць спрабаваць новае, атрымоўваць веды і адваротную сувязь. Вельмі карысна!”
“Добрыя практыкаванні, добрыя настаўнікі.”
“Тое, што разумеў на інстынктыўным узроўні, цяпер структуравана і тэарэтызавана.”
Наступны набор на гэты курс плануецца ў пачатку 2024 г.
Сачыце за абвесткамі на нашым сайце і на нашых старонках у сацыяльных сетках.