Я раскажу вам гісторыю… Так можа сказаць любы чалавек. Асабліва чалавек, за плячыма ў якога шмат пражытых гадоў, падзей, перажыванняў, сустрэч і г.д. Усе мы з самага дзяцінства любім слухаць добрыя гісторыі і самі таксама стараемся іх цікава распавядаць.
Пасля гэтага занятку ты будзеш ведаць, што такое сторытэлінг, што ляжыць у падмурку добрай гісторыі і з чаго пачаць стварэнне гісторыі, каб дзяліцца ёй у інтэрнэце з іншымі людзьмі.
Што такое сторытэлінг і чаму людзі любяць добрыя гісторыі
Сторытэлінг (ад англ. storytelling) – гэта мастацтва распавядаць гісторыі. Гэта спосаб дзяліцца думкамі, эмоцыямі і вопытам праз сюжэт.
З даўніх часоў людзі перадавалі веды і каштоўнасці праз казкі, паданні і ўспаміны. Добрая гісторыя здольная натхняць, вучыць, падтрымліваць і аб’ядноўваць людзей.
Нават калі вы думаеце, што нічога асаблівага не адбылося ў вашым жыцці – гэта не так. Ваша гісторыя – гэта ваш унікальны досвед, які можа зацікавіць і падтрымаць іншых.
Менавіта таму ёсць сэнс вучыцца ствараць свае гісторыі ў інтэрнэце і дзяліцца імі.
Чаму людзі любяць гісторыі?
Да таму, што гэта наша чалавечая асаблівасць: мы думаем пра нешта такім чынам, што ствараем вакол гэтага кантэкст і гісторыю.
Да таго ж, добрыя апавяданні лягчэй запамінаюцца, яны больш эмацыйныя і больш пераканаўчыя ў параўнанні з рацыянальнымі аргументамі, статыстыкай і фактамі.
А яшчэ таму, што добрыя гісторыі хвалююць, натхняюць і вучаць!
Прайдзі гэтае простае практыкаванне, каб яшчэ лепш зразумець, чаму людзі любяць гісторыі:
Што ляжыць у падмурку добрай гісторыі?
Кожная добрая гісторыя мае структуру. Адным з простых і зразумелых падыходаў з’яўляецца правіла 4P:
- People (Людзі): хто герой гісторыі?
- Place (Месца): дзе адбываецца дзеянне?
- Problem (Праблема): што здарылася?
- Progress (Развіццё): як усё змянілася, да чаго прывяло?
Правер, ці ўмееш ты зараз хутка вызначаць сапраўдныя гісторыі:
З чаго пачаць стварэнне сваёй гісторыі?
Пачніце з простых пытанняў:
- Што мне хочацца расказаць?
- Каму?
- Якую эмоцыю я хачу выклікаць?
Пачынайце з нататак альбо аднаго ўспаміна. Не спрабуйце адразу зрабіць «ідэальна». Пішыце так, як быццам расказваеце сябру. Галоўнае – шчырасць і жаданне падзяліцца сваёй гісторыяй.
Давайце патрэніруемся!
Працягніце сказ ніжэй, дадаўшы да яго 3-4 новыя сказы.
“Аднойчы, калі мне было прыкладна 18…”
Увага! Вы можаце абраць і іншыя варыянты пачатку гісторыі. Напрыклад:
“Гэтая падзея радыкальна змяніла маё жыццё…”
Вярніцеся яшчэ раз да правіла 4Р і пры патрэбе абнавіце альбо дапоўніце пачатак сваёй гісторыі!
Давайце падсумуем
Вы ўжо ведаеце, што такое сторытэлінг, што такое правіла 4Р, і з чаго пачаць стварэнне сваёй гісторыі.
На наступных занятках мы пазнаёмімся з рознымі тэхнікамі напісання гісторый, а таксама з тым, дзе іх можна публікаваць.
Пакуль жа самы час пачаць пісаць сваю гісторыю!
https://media.ifae.live/2025/07/23/veni-vidi-scripsi-vychymasja-pisac-jak-zhurnalisty